28-29 ოქტომბერს შაქრიანი დიაბეტის მქონე პაციენტებს უფასოდ გამოიკვლევენ

,,ენმედიცის“ ბათუმის კლინიკაში შაქრიანი დიაბეტის მქონე პაციენტებისათვის საქველმოქმედო აქცია 28-29 ოქტომბერს გაიმართება. აქციის ფარგლებში პაციენტები, უფასოდ, სხვადასხვა პროფილის ექიმის  – ენდოკრინოლოგის, კარდიოლოგის, ნევროლოგის, ოფთალმოლოგის, გინეკოლოგის, დერმატოლოგის, გასტროენტეროლოგისა და თერაპევტის კონსულტაციებს მიიღებენ.

ასევე, საჭიროების შემთხვევაში უფასოდ მიიღებენ დანიშნულების შესაბამის მედიკამენტებს და გლუკომეტრს,  უსასყიდლოდ მოემსახურებათ ლაბორატორიაც და გლუკოზას განუსაზღვრავს პერიფერიულ სისხლში; მომსახურებაში შედის მუცლის ღრუს ექოსკოპია.

აქცია ბათუმის მერიის მხარდაჭერით ხორციელდება.

მისამართი: ქ. ბათუმი, ჯავახიშვილის ქ. N 3ა ცხელი ხაზის ტელეფონები – 271777, 591070505

წყარო:”აჭარის ტელევიზია”

სხვა ვიდეოები