ახალ წლამდე დარჩა 11 დღე – მერიამ საახალწლო ღონისძიების ორგანიზატორი ვერ შეარჩია

ახალ წლამდე 12 დღე რჩება.  გუშინ შეწყდა ტენდერი, რომელსაც ღონიძიებების ორგანიზატორი უნდა გამოევლინა – ტენდერში ოთხი კომპანია მონაწილეობდა. მერიამ მათ მიერ წარდგენილი დოკუმენტაციის შერჩევა-შეფასების ეტაპის შემდეგ ტენდერი შეწყვიტა.

ბათუმის მერიის კულტურის ცენტრმა გუშინვე გამოაცხადა გამარტივებული ტენდერი, თუმცა გამომდინარე იქედან, რომ საახალწლო ღონისძიებების ორგანიზებისთვის მცირე დრო რჩება და ორგანიზატორ კომპანიას მუშაობა ფორსმაჟორში მოუწევს, შესაბამისად, შემცირდა წინა ტენდერით გათვალისწინებული მოთხოვნები და თანხაც – ამჯერად ტენდერის ბიუჯეტი 180 000 ლარია, გამარჯვებული კი სამ დღეში უნდა გამოვლინდეს.

საახალწლო ღონისძიებების ორგანიზებისთვის ბათუმის კულტურის ცენტრმა ელექტრონული ტენდერი 2018 წლის 19 ნოემბერს გამოაცხადა. შესყიდვის ბიუჯეტი 273 500 ლარი იყო. წინადადებების მიღების ვადა კი 30 ნოემბერს დასრულდა.

ბათუმის მერიის კულტურის ცენტრის ინფორმაციით, საახალწლო ღონისძიებები ბათუმში 25 დეკემბრიდან უნდა დაიწყოს. ამ თანხით ტენდერში გამარჯვებული კომპანია მოაწყობს საბავშვო გასართობ კუთხეებს, გამართავს მთავარი სცენის დეკორაციებს, უზრუნველყოფს მის განათებასა და გათბობას, თოჯინების, მარიონეტებისა და თითების თეატრების წარმოდგენას, მოაწყობს სხვადასხვა ქუჩაზე ინსტალაციებს, დაამონტაჟებს ლედ ეკრანებს, მოამზადებს სარეკლამო ვიდეორგოლს, ფოიერვერკსა და სხვა მსგავსი ტექნიკური საკითხების მოგვარებას უზრუნველყოს.

http://batumelebi.netgazeti.ge

სხვა ვიდეოები