,,ბათუმის ავტოტრანსპორტს“ ახალი ხელმძღვანელი ჰყავს.

ბათუმის ვიცე-მერმა ბაგრატ მანველიძემ შპს ,,ბათუმის ავტოტრანსპორტის“ ახალი დირექტორი ბადრი ფარტენაძე დაწესებულების პერსონალს წარუდგინა.
ბადრი ფარტენაძე პროფესიით ინჟინერ-მექანიკოსია, ასევე მინიჭებული აქვს ინჟინერ-ეკონომისტის კვალიფიკაცია.
სხვადასხვა დროს ბადრი ფარტენაძე მუშაობდა საქართველოს საზღვაო ტრანსპორტის ადმინისტრაციაში, ეჭირა საქართველოს ტრანსპორტის მარეგულირებელი ეროვნული კომისიის საზღვაო ტრანსპორტის დეპარტამენტის უფროსის, მოგვიანებით კი, საქართველოს რეგიონული განვითარებისა და ინფრასტრუქტურის სამინისტროს სახელმწიფო საქვეუწყებო დაწესებულება – ერთიანი სატრანსპორტო ადმინისტრაციის საზღვაო ტრანსპორტის დეპატარმენტის უფროსის თანამდებობა. 2008 – 2009 წლებში იყო აჭარის უმაღლესი საბჭოს წევრი, საფინანსო-საბიუჯეტო და ეკონომიკურ საკითხთა კომისიის თავმჯდომარე. 2011-2012 წლებში ბადრი ფარტენაძეს ფოთის მერის მოადგილის თანამდებობა ეჭირა.
“ბათუმის მერია”

სხვა ვიდეოები