ბათუმის მერიას პროკურატურაში უჩივლებენ

ბათუმის მერიის მიწის საკუთრების აღიარების კომისიას გონიოს მაცხოვრებლები, რომლებიც გონიოში მიწის დაკანონებას წლებია ითხოვენ, პროკურატურაში უჩივიან. მოქალაქეების ინტერესების დამცველი ორგანიზაცია “საერთაშორისო გამჭვირვალობა-საქართველო” კი მიწის საკუთრების აღიარების კომისიის წევრების სისხლის სამართლებრივი საკითხის დაყენებას ითხოვს.

პროკურატურაზე მიმართვა იურისტებმა მას შემდეგ გადაწყვიტეს, რაც გაირკვა, რომ მერია ბათუმის საქალაქო სასამართლოს 31 მარტისა და 6 ივნისის გადაწყვეტილები არ აღასრულა, რაც მათი მტკიცებით კანონის უხეში დარღვევაა.

“მერიის მიწის აღიარების კომისიამ არ შეასრულა ვალდებულება რაც კანონით სასამართლომ დააკისრა” – განაცხადა ანა ბერძენიშვილმა. “მოქალაწეების მცდელობის მიუხედავად, კომისიას საკითხზე მუშაობა არ დაუწყია”.

იურისტების მტკიცებით, 6 თვის განმავლობაში, ბათუმის მიწის აღიარების კომისიამ მხოლოდ ერთი სხდომა ჩაატარა, სადაც 4 მოქალაქის საკითხის განხილვა დაიწყო.

ბათუმის საქალაქო სასამართლომ, ბათუმის მერიის მიწის აღიარების კომისიას, ე.წ. გონიოელების საკითხის ინდივიდუალურად განხილვა დაავალა.

გონიოს მოსახლეობა  მათთვის 2008 წელს დაკანონებული, ხოლო 2010  ჩამორთმეული მიწების აღიარებას ითხოვენ.

წყარო:”აჭარის ტელევიზია”

სხვა ვიდეოები