ბათუმის პორტში ფრანგული სამხედრო ხომალდი შემოვიდა

ბათუმში ფრანგული სამხედრო ხომალდის ეკიპაჟისა და სანაპირო დაცვის თანამშრომლების ერთობლივი სწავლება გაიმართება. საფრანგეთის ეროვნული ფლოტის სამხედრო ხომალდის “გეპრატის” ვიზიტის ფარგლებში ყვინთვის, ძებნა-გადარჩენის, ცეცხლთან და წყალთან ბრძოლის ერთობლივი სწავლებები ჩატარდება.

სამხედრო ფლოტი ბათუმის პორტში დღეს შემოვიდა. ხომალდის ეკიპაჟს საზეიმო დახვედრა მოუწყვეს, ცერემონიალში აჭარის მთავრობის თავმჯდომარე ზურაბ პატარაძე და ქალაქ ბათუმის მერი ლაშა კომახიძე მონაწილეობდნენ.

ვიზიტის ფარგლებში, საფრანგეთის ელჩი საქართველოში პასკალ მენიე და ფრანგული ფრეგატის კაპიტანი ჟაკ მალარი ადგილობრივი ხელისუფლებისა და სანაპირო დაცვის ხელმძღვანელ პირებს შეხვდებიან.

დაგეგმილია მეგობრული საფეხბურთო მატჩი “გეპრატის” წევრებსა და საქართველოს სანაპირო დაცვის დეპარტამენტის თანამშრომლებს შორის.

წყარო:”აჭარის ტელევიზია”

სხვა ვიდეოები