ძლიერმა ქარმა ხულოს მუნიციპალიტეტის სოფელ ქედლებში საცხოვრებელი სახლს სახურავი გადახადა

ძლიერმა ქარმა ხულოს მუნიციპალიტეტის სოფელ ქედლებში ნოდარ ჯორბენაძის ექვს წევრიან საცხოვრებელ სახლს სახურავი გადახადა. ამის შესახებ ინფრომაცია  ‘აიპრესს” თავად ოჯახმა დაუდასტურა.

ისინი ხელისუფლებისაგან დახმარებას და დროულ რეაგირებას მოითხოვენ, როგორც ნაირა ჯორბენაძე აცხადებს, გამგეობის წარმომადგენლებმა დაათვალიერეს მათი მდგომარეობა თუმცა, რა სახის დახმარებას გაუწევენ მათთვის უცნობია.

“ძლიერი ქარი იყო, დაახლოებით დილის ათ საათზე სახლს სახურავი გადახადა, ექვსი წევრი ვცხოვრობთ, მოვიდნენ გამგეობიდან დაათვალიერეს თუმცა რა სახის დახმარებას გაგვიწევენ ან დაგვეხმარებიან თუ არა, არაფერი ვიცით, ძლიერი წვიმაა და როგორც გარეთ წვიმს ისე წვიმს სახლშიც” -განაცხადა ‘აიპრესთან” ნაირა ჯორბენაძემ.

მუნიციპალიტეტის გამგეობაში კი “აიპრესს” განუმარტეს რომ მდგომარეობა შეისწავლეს და შესაბამისი კომისია განიხილავს. სოციალური სამსახურის უფროსის ინფორმაციით, საცხოვრებელ სახლზე დაახლოებით 70% გადახდილია, რამაზ შავაძის რთული მდგომარეობიდან გამომდინარე შესაძლოა ოჯახი ახლობელთან გადავიდეს დროებით საცხოვრებლად, თუმცა თუ ამას თავისი სახსრებით ვერ მოახერხებს, მუნიციპალიტეტის გამგეობა დაეხმარება.

წყარო:”ipress.ge”

სხვა ვიდეოები