ელექტროენერგიის საფასური რეგიონებშიც იზრდება

თბილისის გარდა ელექტროენერგიის საფასური რეგიონებშიც გაიზარდა. “ენერგო-პრო ჯორჯიას“ ტარიფზეც სემეკმა დღეს იმსჯელა და მიღებული გადაწყვეტილებით, 2018 წლის 1-ელი იანვრიდან როგორც საყოფაცხოვრებო, ასევე კომერციული სექტორებისთვის ელექტროენერგიის ფასი კილოვატ საათზე 1,28 თეთრით მოიმატებს. ინფორმაციას ipn-ი ავრცელებს.

კერძოდ, საქართველოს ენერგეტიკისა და წყალმომარაგების მარეგულირებელი ეროვნული კომისიის გადაწყვეტილებით, საყოფაცხოვრებო სექტორში შემდეგი ტარიფი დადგინდა: 101 კვტ საათის ჩათვლით, ელექტროენერგიის მომხმარებლებისთვის გადასახადი ნაცვლად 12,954 თეთრისა, განისაზღვრა 14,23666 თეთრით, 101 კილოვატიდან 301 კვტ საათის ჩათვლით, სამომხმარებლო ტარიფი ნაცვლად 16,931 თეთრისა, განისაზღვრა 18,21366 თეთრით, 301 კვტ საათიდან მომხმარებლებისთვის კი, ტარიფი ნაცვლად 21,450 თეთრისა განისაზღვრა.

სემეკის დადგენილებით, „თელასის“ აბონენტებისთვის ელექტროენერგია დღეს 1.325 თეთრით ძვირდება. დღგ-ს ჩათვლით გადასახადი 1.56 თეთრით მოიმატებს. დადგენილი ტარიფები ძალაში 2018 წლის 1 იანვრიდან შევა და 2020 წლის 31 დეკემბრის ჩათვლით იმოქმედებს.

წყარო:”imedinews.ge”

სხვა ვიდეოები