მწვანე კონცხი შავ ზღვას საბაგიროთი დაუკავშირდება

საქართველოს ტურიზმის განვითარების ფონდის ცნობით, მწვანე კონცხი შავ ზღვას თანამედროვე საბაგიროთი დაუკავშირდება. როგორც ფონდში ამბობენ, ისინი მწვანე კონცხზე ხუთ ვარსკვლავიან სამკურნალო-გამაჯანსაღებელ სასტუმრო კომპლექს აშენებენ.

კომპლექსი საბაგირო გზით დააკავშირებს მწვანე კონცხსა და შავი ზღვის სანაპიროს. საზოგადოებრივი დანიშნულების საბაგირო გზა, რომლის გამტარობაც დღეში 5000 ადამიანი იქნება და ნებისმიერი მსურველი ზღვიდან, რამდენიმე წუთში აღმოჩნდება მწვანე კონცხზე. საბაგიროს განვითარების ფარგლებში ქვედა სადგურის მიმდებარედ მოეწყობა კაფე-რესტორანი და საცუარაო აუზი.

სასტუმრო კომპლექსში იფუნქციონირებს, სხვადასხვა კატეგორიის 250-მდე ოთახი, ღია და დახურული აუზები, ფეხბურთის, ჩოგბურთისა და კალათბურთის მოედნები, ბავშვთა გასართობი ცენტრი და კინო-თეატრი.

პროექტის ღირებულება დაახლოებით 110 მილიონ დოლარს შეადგენს. კომპლექსის მშენებლობა 2021 წელს დასრულდება.

წყარო:”imedinews.ge”

სხვა ვიდეოები