ონიო-კვარიათში ქუჩების შეკეთება-განათებისთვის 3,7 მილიონი ლარი დაიხარჯება

გონიო-კვარიათის დასახლებაში გარკვეული ქუჩების კაპიტალური შეკეთება და გარე განათების ბოძების დამონტაჟება იგეგმება. სამუშაოები, სავარაუდოდ, მიმდინარე წელს დაიწყება და 2018 წლის პირველ სექტემბრამდე უნდა დასრულდეს.

აფსაროსის, ანდრია პირველწოდებულის, მატათა მოციქულის, მეფე მირიანის, სვიმონ კანანელის, წმინდა ნინოს ქუჩებისა და ჩიხების შეკეთებასა და გარე განათების მოწყობისთვის ბათუმის ბიუჯეტში 3 მილიონ 742 ათას 162 ლარია გამოყოფილი.

მთლიანი თანხიდან 592 ათას 424 ლარი გარე განათების სამუშაოებისთვის, ხოლო 3 მილიონ 149 ათას 738 ლარი ქუჩების კეთილმოწყობისთვისაა გათვალისწინებული.

შესაბამისად, ბათუმის მერიას ორი ტენდერი აქვს გამოცხადებული. ქუჩების კეთილმოწყობაზე გამოცხადებული ტენდერი 15 სექტემბერს, ხოლო, გარე განათებაზე ტენდერი – 18 სექტემბერს დასრულდება.

“ბათუმელები”

სხვა ვიდეოები