ქედის მერის სამივე მოადგილის პოსტი ამ დრომდე ვაკანტურია

ქედის მერს მოადგილეები ამ დრომდე არ დაუსახელებია, ლევან გორგილაძის განმარტებით ამაში ხელი გართულებულმა ამინდმა და სხვადასხვა პრობლემებმა შეუშალა.

მისივე თქმით მოადგილეების შესარჩევად კიდევ რამდენიმე დღე სჭირდება და კანდიდატებთნ კონსულტაციები დღეიდან დაიწყება. ლევან გორგილაძე მის მოადგილეებად არც ოპოზიციური პარტიის წარმომადგენელს გამორიცხავს და ამბობს, რომ მოადგილეებს არა პოლიტიკური შეხედულებებით არამედ მათი უნარ-ჩვევითა და შესაძლებლობის მიხედვიათ შეარჩევს.

„მოადგილეების შესარჩევად ხელი გრთულებულმა ამინდმა და სხვადასხვა პრობლემებმა შეგვიშალა, ჩვენ კნსულტაციებს დღიდან დავიწყებთ და რამდენიმე დღეში გახდება ცნობილი, თუ ვინ იქნებიან ჩემი მოადგილეები. არც იმას ვთვლით, რომ მაინდამაინც ჩვენი პოზიციიდან იყოს და არც იმას ვთვლით, რომ აუცილებლად ოპოზიციიდან იყოს. კადრები შეირჩევა უნარ-ჩვევების და შესაძლებლობების მიხედვით, ჩვენ ძალიან გვჭირდება ისეთი პიროვნებები ვინც აქტიურია, კრეატიული და აქვს ახალი იდეები, თანამედროვე შესაძლებლობები“

შეგახსენებთ ამ ეტაპზე ქედის მერის სამივე მოადგილის პოზიცია ვაკანტურია.

წყარო:”ipress.ge”

სხვა ვიდეოები