სარფში საბრძოლო ვაზნები აღმოაჩინეს

შემოსავლების სამსახურის ინფორმაციით, ,,სარფის“, საბაჟო გამშვებ პუნქტში საბრძოლო ვაზნების საზღვარზე უკანონოდ შემოტანის ფაქტი აღიკვეთა. ფინანსთა სამინისტროს შემოსავლების სამსახურის მებაჟე ოფიცრებმა, თურქეთის რესპუბლიკის მოქალაქის ხელბარგის დასკანერების შედეგად, 6 ცალი საბრძოლო ვაზნა აღმოაჩინეს.

უწყების ინფორმაციით, საქმე შემდგომი რეაგირების მიზნით, შინაგან საქმეთა სამინისტროს აჭარის პოლიციის დეპარტამენტის ხელვაჩაურის რაიონულ სამმართველოს გადაეცა.

წყარო:”აჭარის ტელევიზია”

სხვა ვიდეოები