შუახევის სოფლებში დამეწყრილ ადგილებს გეოლოგები სწავლობენ

შუახევის მუნიციპალიტეტის  სოფლებში გეოლოგები დამეწყრილ ადგილებს სწავლობენ. მუნიციპალიტეტის გამგეობის ჯანდაცვის სამსახურის უფროსის ზაზა ზოიძის თქმით, გეოლოგიური დასკვნები ერთ კვირაში მომზადდება, რის საფუძველზე გამგეობა შესაბამის პრევენციულ ღონისძიებებს გაატარებს.

„საცხოვრებელი სახლებისა თუ მიმდებარე ტერიტორიების გეოლოგიური შესწავლის მოთხოვნით გამგეობაში 50-მდე განაცხადი შემოვიდა. გეოლოგებთან ერთად მახალაკიძეების, შუბნის, დღვანისა და უჩამბის თემების სოფლები შევისწავლეთ, ამ დროისთვის ბარათაულში ვიმყოფებით, დღესვე შევისწავლით ვითარებას დაბისა და ჭვანის თემებში,“ – ამბობს ზაზა ზოიძე.

ზაზა ზოიძის ინფორმაციით, წინასწარი დათვალიერების შედეგად, სავარაუდოდ, სოფელ მახალაკიძეებში ერთი ოჯახის გაყვანა დარჩება საჭირო.

“ბათუმელები”

სხვა ვიდეოები